Thursday, May 31, 2012

Storm Apostol (Ang Hero Na Nakaka-pressure Isulat!)

Posted by 23caris at 6:18 AM 2 comments

     Storm and Rain were the best of friends. For more than twenty years, they maintained their strong friendship. Kaya gano’n na lamang ang pangangalaga ni Rain sa unbreakable bond nila ng binata. She thought they could stay together forever. Until Storm decided to stop playing the “best friend role.”
     “I’m a man, dammit! Stop treating me like a child, Rain.” Then he suddenly kissed her.
     Nagimbal ang isip at puso niya sa pagtatapat ni Storm ng pag-ibig sa kanya. She rejected him, of course. Pero bakit hindi matahimik ang kalooban niya lalo na nang i-“revive” na ng binata ang pagkakaibigan nila? Dapat nga maging masaya siya sa ginawa nito, pero hindi. Eh kasi naman, hindi na niya magawang tumingin kay Storm ng walang malisya. Especially if every minute, she could remember the taste of his chocolate kisses...

Friday, May 25, 2012

My Trilogy Boys

Posted by 23caris at 10:32 PM 2 comments
Min Ho Jang. <3
   Gresyon Chai. <3
      Skylus Saitou. <3

Sa Rang Hae, My Honey:
   Min Ho Jang And Mitchel Karenz "Itchie" Mallari

ahem, ahem. ang unang trilogy ang tungkol sa krung-krung na si Itchie na in love sa Korean Hottie na si Min Ho Jang. ayoko ng spoiler. abangan kung paano mabibihag ng baliw na heroine ang mailap na puso ng bruho at supladong hero. :)

Wo Ai Ni, My Darling:
   Greyson Chai And Suri Ramirez

ito ang pinakapaborito kong kuwento sa tatlo! i'm a sucker for nice guys and Greyson is a nice guy. gusto ko rin ang mga heroine na lutang at gano'n si Suri. kaya naman sila ang peyborit ko sa lahat. abangan kung paano liligawan ng super bait at angelic na hero ang lutang at walang pakialam sa mundo na heroine. at kung bakit umiiyak ako habang sinusulat ko ang kuwento nila. :)

Aishiteru, My Baby:
   Skylus Saitou And Meiko Mallari

iniyakan ko ang pagsusulat na ito sa sobrang hirap. major revision ang kinabagsakan niya kaya talaga namang super thankful ako nang ma-approve siya at sinabi ng editor ko na gumanda siya. masyado kasing komplikado ang character ni Skylus at masyadong nakawawa si Meiko. anyway, abangan kung paano tuturuan ng heroine magmahal ang hero na walang alam sa pag-ibig. :)


-sa totoo lang, hindi ko in-e-expect na ma-a-approve agad sila. pero masaya ako at hindi nasayang ang lahat ng luha ko sa pagsulat nito. mahal na mahal ko ang mga tauhan sa trilogy na ito at sana, mahalin din sila ng readers. <3

Thursday, May 24, 2012

The Fairy's Love Doctor

Posted by 23caris at 9:17 AM 0 comments
My second published novel under PHR.
Released Date: May 15, 2012
THE FAIRY'S LOVE DOCTOR
by LUNA KING

"Kung handa ka nang ma-in love uli, puwede bang sa'kin na lang?"
Teaser:
Nasa gitna ng isang madugong love triangle si Rin. Bumalik ang ex-girlfriend ng current boyfriend niya. At ang walanghiyang lalaki, hindi makapagdesisyon kung sino ang pipiliin!
Isa lang ang naisip niyang takbuhan upang hingan ng advice—si Caleb, the man who played a prank on her three years ago and volunteered to be her “love doctor” in lieu of an apology. He left her his cell phone number and disappeared from her life.
Tinawagan niya ito sa unang pagkakataon and luckily, he still remembered her. Mula noon, parati na itong nagbibigay ng love advice sa kanya. Pero kahit boses lang nito ang naririnig niya, nakakaramdam siya ng kagaangan ng loob. It was as if he was healing her broken heart with his soothing voice.
“I want to see you again,” hiling niya rito.
Pagbigyan kaya siya nito? Or would he remain as her faceless love doctor? Huwag naman sana. Kasi naman, na-in love na siya kay Caleb.



 -ewan ko ba pero kadalasan, mas pinapaboran ko ang mga lalaking underdog sa isang love triangle. kadalasan din kasi, puro jerk ang mga hero lalo na sa mga shoujo manga. nakakairita. taz ung mga underdog naman, nice guys. paano nila nagagawang saktan ang mga gano'ng klase ng tao?

-er, i'm a sucker for nice guys. ayoko ng komplikasyon. gusto kong magbasa ng mga hero na masungit, arogante at mayabang; parang ang astig kasi nila. saka exciting kapag pinapalambot na nung heroine ang mga pusong bato/bakal/yelo nila. pero kapag ako na ang nagsusulat, hindi ko magawa. mas gusto ko kasi talaga ang mababait na lalaki. simple, sweet, thoughtful. kaya nga mahal ko si Caleb, eh. pero kanya-kanya lang `yan. :)

-madali na mahirap isulat ang isang `to. medyo naguluhan kasi ako kung saang chapter makikita uli ni Rin ang hero niya. balak ko pa nga sanang guluhin ang readers kung sino ang totoong hero. pero nang um-attend ako sa PHR Workshop, nalaman kong hindi dapat pinapa-mysterious epek kung sino ang mga bida. buti na lang di ko ginawa ung plano kong un. haha.
-na-enjoy ko ang pagsulat nito. one week lang, taob na. :)

-hindi ko in-e-expect na mapa-publish agad ito. inaasahan kong 5 months or more pa bago uli ako may lumabas akong novel. bukod sa isang buwan pa lang simula nang na-release si Saturn, pangatlong na-approve ang The Fairy's Love Doctor ko. meaning, nilaktawan ung second approved ko. haha.

-sana hindi mausog dahil pinansin ko. XD

Trivia:
-i got Rin and Len's names from Vocaloid. sa Vocaloid, kambal sila. gustung-gusto ko ang dalawang ito dahil ang cute nila. :)
-isa sa mga frustration ko ang pagiging Special Education teacher kaya iyon ang ginawa kong work ng heroine.
-Caleb is my dream guy. haha. :D

-Luna King

From Saturn With Love

Posted by 23caris at 7:13 AM 0 comments
My first novel under PHR.
Released Date: April 10, 2012
FROM SATURN WITH LOVE
by LUNA KING

"I'm always here. Behind you. Next to you. In front of you. It's high time for you to see me. Nakakapagod na rin namang magpa-cute sa'yo."



Teaser:
Ipinagluluksa ni Jupy ang pagkabigo niya sa pag-ibig nang magkatuluyan ang best friend niya at ang lalaking mahal niya. Dumagdag pa ang buwisit pero guwapong childhood friend at kapitbahay niya na si Saturn Gutierrez na panay ang pang-aasar sa kanya dahil sa pagkabigo niya. He was the only person in the planet who knew about her secret love.
Saturn was just supposed to be an annoying neighbor, a distraction from her heartbreak, and a childhood friend. Pero bakit ang dami-dami na niyang napapansin na good qualities nito na hindi naman niya napapansin dati? Like he was very handsome, gentle, and sweet, and she wasn’t immuned to his charm.
“Tayo na lang, katulad nina Rain at Storm. I’ve told you before, childhood friends always end up together,” deklara nito sa kalaunan.
Pero bigla ring binawi nito iyon, pagkatapos ay hindi na siya pinansin nito. Ano iyon, joke?
Siyempre, hindi siya papayag na gano’n-gano’n na lang, pagkatapos nitong kilitiin ang puso niya!



 -nagbunga ang kaadikan ko sa pagbabasa ng mga kuwentong may temang childhood friends-turned-lovers, katulad nga ng nabanggit ko sa first page ng librong iyan.

-actually, pangarap kong ganyan sana ang maging love story ko. pero imposible dahil wala naman akong childhood friend na lalaki na ka-close ko. -_-"
-isn't it nice to have someone who's been by your side ever since you were born? and the thought that he would stay with you until your last breath is very romantic. linsiyak, ang suwerte ng heroine ko sa nobelang ito! nakakainggit!

Trivia:
-tinatamad lang akong mag-isip ng pangalan para sa hero at heroine kaya pinangalan ko sila sa mga planeta. haha. Saturn Gutierrez and Jupiter Villaruz. :)
-iyong Time Capsule, last minute ko lang naisip. hindi pa kasi umaabot ng 24,000 words ung manuscript kaya nag-isip ako ng pampahaba. haha. nakuha ko siya sa isang episode sa anime na The Melancholy Of Haruhi Suzumiya yata un o The Labyrinth? hindi ko na matandaan.

ayun lamang po. bow.

-Luna King

Ang Ikalawang Yugto (Ako, AKo, AKo Nga!)

Posted by 23caris at 5:32 AM 0 comments
I DREAMED TO BE A WRITER.
  ..... I'M A PUBLISHED WRITER NOW.
   ..... PERO MARAMI PA KONG KAKAINING KALDERETA.

-November 3, 2011. pagkatapos ng dalawang returned novels, sa wakas ay may ms na ko na na-approve sa PHR. masayang-masaya pa ko no'n at walang ni katiting na clue sa mga hirap at pagsubok pala na susubok sa tatag ng loob ko sa propesyong ito.
-akala ko no'n, magaling na ko. kaya nagpasa ako ng dalawang ms. ayun, lagapak. parehong returned ang resulta. (napapala ng kayabangan). nagmuni-muni muna ako at inaral ko kung bakit pumasa `yong isa samantalang lagapak `yong dalawa.
-January 2012, dahil na-inspire ako sa rooftop at firecrackers. isang plot at mga eksena ang naglaro sa isip ko. sinulat ko agad un. natapos ko siya in one week at agad na pinasa. pumasa siya sa Dream Love.
-katapusan ng Enero, nakatanggap ako ng text message mula sa editor ko sa first novel ko under PHR. pinapagawan ng sequel ung nobela ko. PRESSURE, dude. sobrang pressured ako. saka ko na ikukuwento kung bakit. bago ko siya gawin, dalawang ms muna ang niyari ko sa buwang ito.
-March 2012. hindi ko in-e-expect na magkasunod na ma-approve ang dalawang ms ko. sa sobrang inspired ko, tatlong novels ang natapos ko sa buwang ito. tag-i-isang linggo ko sila sinulat. ah, nasulat ko rin pala sa buwang iyon `yong sequel na pinapagawa sa'kin. bale, apat silang niyari ko.

-heto na. na-release na ang first novel ko last April 10, 2012. ang FROM SATURN WITH LOVE (under PHR). super saya ko ng panahong ito.
-pero ilang araw lang, inatake ako ng insecurity. may nabasa kasi akong magandang novel. inferiority complex, yes. parang feeling ko, wala akong kuwenta. hindi maganda `yong mga gawa ko kompara sa kanila. ang hirap at ang sakit sa kalooban na malamang yong bagay na hirap na hirap kang gawin, madaling nakukuha ng ibang tao. naisip ko, siguro sila, pinanganak talaga para sa pagsusulat. hindi tulad ko. pakiramdam ko, pinagpipilitan ko lang ang sarili ko sa larangang ito. alam mo `yong lahat sila magaling kaya anng liit-liit ng tingin mo sa sarili mo? ganun ung feeling ko.
-isang buong araw ako umiyak at hindi nakapagsulat sa sobrang baba ng tingin ko sa kakayahan ko. e totoo naman kasing hindi pa ko magaling.

-dumating ang nagpabalik sa confidence ko. ung tatlo sa pinasa ko last March, na-approve nitong April 2012. dalawa sa PHR, isa sa DL. then, ung dalawang ms na pinasa ko no'ng Abril, pumasa rin nitong May lang. kaya lang, `yong tatlong sinulat ko this May, revised ang resulta. na-release din nitong May 15, 2012 `yong pangalawa kong nobela.

-anyway, hindi ko sinulat ang lahat ng ito para ipagmayabang kung ilan na ang approved ko. what i'm trying to say is, many people might think that i already fulfilled my dream. pero sa tingin ko, malayo pa ko. hindi ko pa matatawag na writer ang sarili ko dahil wala pa kong napapatunayan. baguhan pa lang ako sa mundong pinasok ko.
-madalas akong umiyak. iniiyakan ko ang mga manuscript na sinusulat ko dahil sa sobrang hirap. hindi siya madali. hindi siya puro pasarap. dugo, pawis at braincells ang kapalit ng bawat letrang tinitipa ko. dumarating pa rin ako sa puntong naiinggit ako sa narating na ng mga writers na kilala ko. naiinggit ako sa mga nagawa nila. sa tagumpay nila. no'ng una, nilalamon ako ng inggit na `yon. ginusto kong sumuko. dumating ako sa puntong hindi ako nagsulat at nag-self-pity lang ako.
-pero wala akong napala. hinanap ko ang sarili ko. binasa ko lahat ng approved ms ko. binalikan ko `yong naramdaman ko nang ma-approve ang mga iyon. kung ga'no ako kasaya no'n. inalala ko kung bakit ako nagsusulat. tapos, sabi ko sa sarili ko: "ah, oo. pangarap ko nga pala ito."

-ngayon, nagsusulat pa rin ako. at nadagdagan ang rason ko sa pagsusulat sa bawat pahayag ng pagsuporta ng mga taong nakabasa sa dalawang nobela ko na na-release na. gusto ko silang mapasaya. i write to make them happy.
-inilalagay ko ang puso ko sa bawat letra at bawat salitang nasa nobela ko. minamahal ko ang mga tauhan ko. umiiyak ako kapag umiiyak sila. natatawa ako sa mga kakornihan nila. kinikilig sa mga eksena nila. at ang mga pakiramdam na iyon ang gusto kong maramdaman din ng mga mambabasa ko.

-marami pa kong kakaining kaldereta. hindi pa ko magaling. marami pa kong dapat i-improve. nakakaiyak pero para sa sarili ko, para sa mga taong sumusuporta sa'kin at para sa mga taong gusto kong pasayahin sa pamamagitan ng mga nobela ko, sisikapin kong maging mas mahusay pa.

-hindi natatapos sa pagka-approve ng isang manuscript ang pagsubok sa isang manunulat. simula pa lamang iyon. nariyan ang feedback ng tao, ang challenge na mas mapaghusay mo pa ang pagsusulat mo at ang insecurity. hindi nawawala iyon. mahirap oo. pero dahil masaya ako rito, i won't give up.

maraming salamat at sana, may na-inspire sa mga sinabi ko. :)

bow.

-Luna King

Me, Myself And My I (Ako, Ako, Ako Nga!)

Posted by 23caris at 4:40 AM 2 comments
-i'm going to talk about myself. oo, mayabang ang post na `to dahil puro tungkol sa'kin ang isusulat ko. introduction, e. patawad sa mga maiinis. haha. :)

I DREAMED TO BE A WRITER.
-alam ko kung kailan ko pinagarap maging writer. grade 5 ako no'n, 9 years old. actually, ang gusto ko sana ay pagbutihin ang pagguhit ko. introvert ako, may sariling mundo. i don't like social gatherings, especially family reunions. mas gusto kong mag-drawing sa isang sulok.

-isang araw, nanonood ako ng telenobela. "Anakarenina" yata ang title no'n. hindi ko alam kung anong particular scene pero nainis ako sa eksena. kaya sabi ko sa sarili ko, "kung ayoko ng napapanood ko, bakit hindi ako gumawa ng sarili kong ending?" at do'n na nga nagsimula ang lahat.
-tinago ko ang bondpapers, and drawing materials ko. bumili ako ng notebook at papel. umupo sa ilalim ng malaking puno sa bakuran namin. may mahabang bench do'n, ginawa kong mesa. hindi ko matandaan kung anong sinulat ko pero sigurado, hindi maganda un. haha.
-simula ng araw na `yon, parati na kong nagsusulat. isinantabi ko muna ang pagguhit. `kapal nga ng mukha ko dahil pinabasa ko `yong mga kuwento ko sa mga kaklase ko. siyempre, lumaki agad ulo ko. natatandaan ko pa title ng una kong nobela, "Rainbow." `eto ang names ng mga bida: Cristell Aeith Tan and Jasper Menthis. hindi ko sila makakalimutan dahil mahal na mahal ko ang dalawang `yan. ke binobola o inuuto lang ako ng mga kaklase ko no'ng panahong iyon, nakatulong ng malaki sa'kin ang mga encouraging words nila. ipinagpatuloy ko ang pagsusulat hanggang mag-grade six ako.
-pero ang Mama ko, tutol. ano raw mapapala ko sa pagsusulat? gastos lang daw dahil bili ako ng bili ng notebook at ballpen. so i stopped.

-second year high school yata ako no'ng magsimula uli akong magsulat. gumigising ako ng sobrang aga para pumunta sa bookstore sa bayan at bumili ng notebooks at mga ballpen. `taz, uuwi ako at magkukunwaring kagigising lang. pinagpatuloy ko ang palihim na pagsusulat. ang best friend ko lang ang pinababasa ko no'n. laitera `yon kaya medyo masakit ang mga komento. pero mas gusto ko nga `yon gano'n dahil at least, alam kong hindi niya ko inuuto.
-pero naging hobby na lang ang pagsusulat. ewan. in love ako ng mga panahong ito kaya umikot ang mundo ko sa best friend-cum-first love ko no'n. in short, sinuko ko ang pagsusulat at nakontento na lang ako sa pagbabasa ng mga pocketbooks. adik ako kay Sonia Francesca. mga nobela lang niya ang binabasa ko. naiinggit ako, oo. pero tinamad ako sa pagsusulat.

-college na ko nang muling bumalik ang interes ko sa pagsusulat ng nobela. e pa'no ba naman, nasunog ang utak ko sa pagsusulat ng balita. bukod sa journalism na ang course ko, kasali pa ko sa school publication namin. at sa tuwing nagsusulat ako ng balita, `yong isip ko, lumilipad sa mga eksena ng isang love story sa isip ko. doon ko napagtanto na iyon talaga ang passion ko. ayoko nang magpanggap na journalist.
-summer before ako mag-second year college, sinubukan kong magpasa ng nobela sa Precious Hearts Romances. waley. returned. first time ko makatanggap ng masasakit na salita, pero alam kong mga kritisismo lamang iyon. pero kaya lang, first time kong hindi nakuha ang gusto ko kaya frustrated ako. kaya ang naging defense mechanism ko para kahit pa'no masalba ang nadurog kong self-confidence, huminto uli ako sa pagsusulat. kunwari, hindi ko talaga gusto `yon kahit ang totoo, gustung-gusto ko pa rin `yon.
-fast forward na ko. August 2011, nakatanggap ako ng magandang balita. hindi man pumasa sa Precious Hearts Romances ang unang nobelang pinasa ko matapos ng huli kong rejection, pumasa naman iyon sa bagong book imprint nila na Dream Love.

YES!
-to be continued. :3

Wednesday, May 23, 2012

Huh? Blog?

Posted by 23caris at 10:26 AM 0 comments
-honestly, i'm not sure if having a blog fits me. i can't even customize the page design. yup. this whole thing made my head hurt. -_-"

just more than an hour ago, i celebrated my 19th birthday (heypibertdey to me!).
so as a birthday gift to myself, i decided to create a blog.

but first, i really need to customize the page design. i'll surely write once i'm done with it.

nothing much to say here. not cool. i know, okay? i know. :)
 

Luna Banana Copyright © 2010 Design by Ipietoon Blogger Template Graphic from Enakei | web hosting