Friday, October 12, 2012

Headache And Nice Guys

Posted by 23caris at 10:16 AM
Nakakahiya man sabihin pero nahihirapan akong isulat ang nobela ko ngayon dahil playboy ang hero ko. This only proves na sobrang hilaw pa ko as a writer. Ah, hindi ko pa rin matatawag na tunay na writer ang sarili ko.

Na-realize kong lahat ng hero ho, wagas kung umibig. Hindi uso sa'kin ang hero na mysterious, maginoo pero medyo bastos, suplado at emo. Pero sila ang gustung-gusto kong binabasa at frustration kong maisulat. Ilang beses ko nang sinabing "This time, suplado ang hero ko" pero ang ending, nice guy pa rin sila.

Siguro dahil kahit fiction lang ang sinusulat ko, hindi ako naniniwalang may lalaking takot magmahal at sobrang suplado. Siguro kasi wala pa kong nami-meet na ganung klase ng lalaki. Ah, hindi. Siguro dahil sobrang adik talaga ako sa nice guys.

Hindi ko alam kung bakit adik ako sa sobrang bait na heroes, loyal at nasasaktan. Ironic, di ba? Hindi ako naniniwalang may lalaking takot magmahal at sobrang suplado, pero umaasa naman akong may sobrang loyal pang lalaki. Kung sa dalawang choices, mas madaling paniwalaan ung una.

Haaay. Ang weakness ko, simula pagkabata, ay pagkakaroon ng sipon. Kapag may sipon, sobrang lakas ng toyo ko. At natutulog lang ako buong maghapon. Hindi ko pa rin natutuwid ang ugali kong un. Kaninang umaga, para tinatanong lang ako ng mama ko kung gusto ko ng soup, ang sabi ko "Ang ingay mo, Ma!" O di ba? Ang sama ko. :|

Hindi ko talaga nakokontrol ang inis ko kapag may sipon ako. Uminom ako ng gamot at buong araw akong nakatulog, pero hindi pa rin gumaang pakiramdam ko. Pero heto ako sa harap ng computer. Kailangan ko kasing tapusin ang nobela ko this weekend dahil one month na siyang hinihintay ng editor ko.

Lintik na hero naman kasi, napakababaero talaga! Bawat scene yata may kalampungang iba't ibang babae. Haha! Hindi ako sanay kasi sa past novels ko, hero ang unang na-i-in love. Pero ngayon, playboy na nga, in denial pa sa feelings! At ang heroine naman, cold at stiff! Ang hirap magsingit ng kwelang scene kasi ma-a-out of character silang dalawa! Jusmio! Good luck talaga sa'kin!

-Sick Elyen Girl

0 comments:

Post a Comment

 

Luna Banana Copyright © 2010 Design by Ipietoon Blogger Template Graphic from Enakei | web hosting